الرجل موقف

الرجل موقف وانت موقفك من الاول

خاين للامانة وخاين لكلمة حق

لما سألك القاضى 28 سؤال

وكانت اجابتك ف كل سؤال

معرفش حاجة ....وكان جوابك لاء

شهدت زور وانت اللى طابخ

السياسة مع اسيادك

فى كل شارع وحارة مدق

ظهرت الرؤيا يومها وانكشفت

الشعب قال كلمته

مش عايزينك تانى يامشير لاء

كلها ايام يامصر

كلها ايام يامصر

***********

كلها ايام يامصر

ويجيلك ابنك الهمام

ياخد بأيدك ياغالية 

ويعدى بر الامان

يمسح دمعتك ويعوضك

عن سنين مرت بالهوان

يقولك سماح ياأرض الكنانة

ياأرض الانجيل والقرأن

ياما عدت عليك شدائد

ومحن..لكن انتى كلك ايمان 

صابرة وراضية 

ومفوضة أمرك للرحمن

الفارس جاى يمحى الظلم 

ويقطع يد الطغيان

يحميكى من الاعادى 

ويقطع راس كل ثعبان

يصون اهلك وناسك

ويقف جنب الفقير والغلبان

ماسك شعلة امل لشباب

تنور فى كل محافظة وميدان

جاى يعيد امجادك

ويرجع حقوقك المنهوبة بالاكوام

مسئوليته صعبة

وربى يعينه على ثقل الاحمال

اسمك يامصر دايما باقى 

على مر العصور والازمان

محفوظة ياأرض الكنانة

ياأرض الانجيل والقرأن

دموعك يابلدى

دموعك يابلدى

**********

تعب معايا القلم

صرخ القلم صرخته

نطق القلم عا الورق

قال : قلبتم علينا الوجع

غضب جوانا نازف الم

جرح كبير فى جلدك ياوطن

قلب موجوع على دا الولد

وقلب محسور عليكِ يابلد

ثوبك الناصع لطخوه بالدم

دمعتك سايلة جوانا مابتتلم

اية جرى ...؟؟؟؟

الناس ليه بقت قلوبها

حجارة صم

كتير عايزين يمزقوكى

كتير عايزين يضيعوكى

منهم فـــلول

كانوا نهبين البلد وكأنها التكية

ومنهم احـــزاب

تحت شعارات اسلامية

الاتنين بيعملوا لمصلحة شخصية

بيتعاملوا بمناهج شيطانية

ولو قلنا حرام عليكم

بلدكم حتروح ضحية

يقولوا بتتكلمى بلسان ليبرالية

فين الحرية..فين العدالة

فين النور ال ظهر جواكم

بعتمة ليلية

فين الضمير ..فين الوطنية

فين رد الجميل

لشباب قدموا ارواحهم هدية

لجل ماتعيش بكرامة

انت وهو وهى

هو دة رد الجميل

والتعبير عن الحرية

هو دة حق البلد عليكم

ياقلوب غادرة وجاحدة

ومش مستحية

كلنا بندعى عليكم

حسبنا الله فيكم

يافئة ضالة..هدامة..مخربة

لا تعرف معنى الانتماء

ولا تعرف معنى الوطنية

امسحى دموعك يابلدى

لك رب كريم قادر

يسحقهم ويطويهم

تحت ترابك ياغالية 

عايزين زعيم ياولاد الحلال

مطلوب زعيم ياولاد الحلال

***********************

قالك اتفتح باب الترشيح يالا ياهمام

عايزين زعيم يلحق يمسك الزمام

ويكون امين ويفك عن شعبه اللجام

الدنيا واقعة والحكاية شغل مش كلام

باب الترشيح اتفتح ياولاد الحلال

اضحك معايا عل رشح نفسه

ووصل لحالة من الهستريا و الجنان

فاكر ان بلده بكلمة حتوصل للامان

فاكر الحكاية صيت وعنجهية والسلام

مهو حلم ابوه انه يشوفه زعيم فئات

والدنيا تخرب مش مهم دة راجل غلبان

المهم حيعمل من ورا زعامته كام؟؟

وناس ماليها فى السياسة عايزة شهرة والسلام

ماتعرف تفرق بين عبد الناصر والسادات

عايزة تعلا وبس رغم سقوطها فى العلام

وكتير صفحهم حواليها الف علامة استفهام

اضحك ياعالم على الفوضى وانت شاهد عيان

ياخوانا حرااااااااااااام

ياخوانا حرااااااااااااااام

*************

متزعليش يأم الحضارة

والهرم والنيل

حضاراتك صنعت دول

وعلومك كبرت أمم

تاريخك تاج

يشرف كل مصرى اصيل

اليوم بتبكى على ولادك

اتقسموا شقين

دول اخوان ودول سلفيين

كل واحد فاكر نفسه نبى

منزل للعالمين

عايز يهيمن عالصغير والكبير

عايز يقول انا الملك

والكل من بعدى عبيد

عايز يسيطر وبس

ويسن لنفسه دستور وقوانين

نسى حقه عليكى

وفاكر بس حقك عليه

فاكر انه بيحافظ على الدين

نسى ان مصر ارض الكنانة

محفوظة من رب العالمين

ياخوانا حراااااااااااام

ارحمــوا مصـــــر

بأيديكم يوم عن يوم بتضيع

الحكم مش لعبة فى ايديكم

النهاردة عايزين دة

وبكرة مش عايزين

مخطط كبيـــــــــــــر

مرسوم بحرفية زعيم

والشعب الطيب

افتكر ان حريته حترجع

من جديد

وان العدالة هى سيف المتقين

عينى عليكى ياصابرة

اتحملت منا كتير وقليل

يااخوانا حرااااااااااام

مصر محتاجة لسواعد

ورجال تبنى من جديد

مش محتاجة لشعارات

وقرارات لجماعة ملتحين

مصر محتاجة لقرار حكيم

من فقهاء علم ودين

مش محتاجة لبرلمانى

يلغى اللغة من التعليم

ولا محتاجة لمتشدد

يفرق بين الاخوات

فى العقيدة والدين

مصر محتاجة ايد تبنى

محتاجة منكم صحوة ضمير

مصر تذرف دموعها

مصر تذرف دموعها

*************

سال الدمع من احداق العيون

واخترق الصمت صراخ يمزق القلوب

مابك يابلدى ..؟وماذا هم بك فاعلون

هل يغتالوكى متعصبى العيون والقلوب

ويرمون بأسهمهم على عزيز ويدينوه

ابدا ايها الافاعى انهم ابناء مصر وحماتها

مهما قلتم ودبرتم فابدا لانظن بهم الظنون

تخلقون الاقاويل والافعال

وتلوثون بأيديكم الدماء

وتقفوا مندهشين تتسائلون

وهم ضحية مكائدكم....

ابدا لم نترك لكم افكارنا

تلعبون بها وتلهون

ياشباب بلدى المثقفون

يااهل مصر المتحابون

يامن حركتم الماء الراكد

واشعلتم شعلة الثورة ومحيتم الغيوم

عدو بينكم يشعل الفتن لتختلفون

يقيم المكائد بينكم وبين جيشكم فتنقلبون

توخوا الحذر مصرنا مستهدفة

من عدو يخطط ويدبر لها فى سكون

ياكل مصرى....!!!!!

لا نريد اليوم عتاب ولا لوم

مصر تئن خوفا على ابنائها*

خوفا من الانقسام والشرود

لا تمحو بريق ثورتكم المجيدة

التى تحدث عنها كل الكون

اتركوا الامر لمن وليناهم الامور

امنحوهم فرصة للحفاظ

على مكتسبات ثورتكم ولتنتظرون

مصر تئن وتبكى على شهدائها

فلا تريد مزيدا من ابنائها يغتالون

يااهل مصر المتحابون

عدوكم يغتال افكاركم ويحرق بلدكم

افلا تتنبهون افلا تعقلون؟؟؟

خذو حذركم...!!!

لبراثن الشياطين انتم منجرفون

اعقلوها ياابناء مصر

حتى لاتقعوا فى خطر محتوم

عدوكم بالخارج يتربص لكم

وضحكاته يملاء بها الكون

مصر بين ايديكم تناديكم

عيدوا لى سلطانى ومجدى

امسحوا دمعى من العيون

*****************

أحبـــك يامصـــر

احبـــك يامصـــر
***************
مصر القوية اسمها معطر بالرياحين

شامخة راقية بتاريخها منذ الاف السنين

هى قبرا لكل معتدى اثيم

مصر بشعبها حاضنة للقرأن والانجيل

مصر لكرامتها ثائرة لا تهدأ ولا تستكين

هى اميرة عصرها فى كل حين

يشهد عليها التاريخ ونبع النيل

مصر ارض الامان لكل قريب وغريب

تثور وتدهس باقدامها كل ظالم عنيد

مصر قبر الغزاه يرويها دم الشهيد

لا تخف من ثورة قامت..ربك هو المعين

كل ثورة لها خسائر حاميها رب كريم

لا تقل ضاعت بلادى سمائها تنذر بالانين

لا تقل مصر تاهت بين دروب العابثين

كل خطوة تخطوها حدوا

تكشف فيها عن شيطان رجيم

رب كريم .. ... بها رحيم

يطلعنا فى كل مرة من يريد لها الجحيم

لا تحزن على من وليناهم امرنا

ربك يكشفهم بشرورهم فى كل حين

انظر الى الفراعين

قد فسدوا ونهبوا وجعلوا اهلها عبيد

شاء ربك ان يجمعهم فى قبور الظالمين

هى مصر ذاكرها الله رب العالمين

ارض الكنانة خطى عليها كل نبى أمين

محفوظة يامصر من رب الخلق

فهو خير الحافظين