مصر تذرف دموعها

مصر تذرف دموعها

*************

سال الدمع من احداق العيون

واخترق الصمت صراخ يمزق القلوب

مابك يابلدى ..؟وماذا هم بك فاعلون

هل يغتالوكى متعصبى العيون والقلوب

ويرمون بأسهمهم على عزيز ويدينوه

ابدا ايها الافاعى انهم ابناء مصر وحماتها

مهما قلتم ودبرتم فابدا لانظن بهم الظنون

تخلقون الاقاويل والافعال

وتلوثون بأيديكم الدماء

وتقفوا مندهشين تتسائلون

وهم ضحية مكائدكم....

ابدا لم نترك لكم افكارنا

تلعبون بها وتلهون

ياشباب بلدى المثقفون

يااهل مصر المتحابون

يامن حركتم الماء الراكد

واشعلتم شعلة الثورة ومحيتم الغيوم

عدو بينكم يشعل الفتن لتختلفون

يقيم المكائد بينكم وبين جيشكم فتنقلبون

توخوا الحذر مصرنا مستهدفة

من عدو يخطط ويدبر لها فى سكون

ياكل مصرى....!!!!!

لا نريد اليوم عتاب ولا لوم

مصر تئن خوفا على ابنائها*

خوفا من الانقسام والشرود

لا تمحو بريق ثورتكم المجيدة

التى تحدث عنها كل الكون

اتركوا الامر لمن وليناهم الامور

امنحوهم فرصة للحفاظ

على مكتسبات ثورتكم ولتنتظرون

مصر تئن وتبكى على شهدائها

فلا تريد مزيدا من ابنائها يغتالون

يااهل مصر المتحابون

عدوكم يغتال افكاركم ويحرق بلدكم

افلا تتنبهون افلا تعقلون؟؟؟

خذو حذركم...!!!

لبراثن الشياطين انتم منجرفون

اعقلوها ياابناء مصر

حتى لاتقعوا فى خطر محتوم

عدوكم بالخارج يتربص لكم

وضحكاته يملاء بها الكون

مصر بين ايديكم تناديكم

عيدوا لى سلطانى ومجدى

امسحوا دمعى من العيون

*****************

أحبـــك يامصـــر

احبـــك يامصـــر
***************
مصر القوية اسمها معطر بالرياحين

شامخة راقية بتاريخها منذ الاف السنين

هى قبرا لكل معتدى اثيم

مصر بشعبها حاضنة للقرأن والانجيل

مصر لكرامتها ثائرة لا تهدأ ولا تستكين

هى اميرة عصرها فى كل حين

يشهد عليها التاريخ ونبع النيل

مصر ارض الامان لكل قريب وغريب

تثور وتدهس باقدامها كل ظالم عنيد

مصر قبر الغزاه يرويها دم الشهيد

لا تخف من ثورة قامت..ربك هو المعين

كل ثورة لها خسائر حاميها رب كريم

لا تقل ضاعت بلادى سمائها تنذر بالانين

لا تقل مصر تاهت بين دروب العابثين

كل خطوة تخطوها حدوا

تكشف فيها عن شيطان رجيم

رب كريم .. ... بها رحيم

يطلعنا فى كل مرة من يريد لها الجحيم

لا تحزن على من وليناهم امرنا

ربك يكشفهم بشرورهم فى كل حين

انظر الى الفراعين

قد فسدوا ونهبوا وجعلوا اهلها عبيد

شاء ربك ان يجمعهم فى قبور الظالمين

هى مصر ذاكرها الله رب العالمين

ارض الكنانة خطى عليها كل نبى أمين

محفوظة يامصر من رب الخلق

فهو خير الحافظين

سقط القناع

سقط القناع

يااصحاب الوعود

والشعارات المنقوشة

سقط القناع

لنجد تحته الف قناع

نعم.. ياازيال النظام المنحوس

افردوا ورقكم على المكشوف

بنود فى الوثيقة فضحتكم

اعلنتوها بدون كسوف

ضحكتم الخبيثة ظاهرةعلى الوشوش

بس لا والف لا......

شعبنا ماحيرضى يعيش مغشوش

ثورة وقامت نيمتوها وهمشتوها

قلنا وماله نعمل ثورة وتانية وتالته

لجل مانعدل المعووووج

جرحى وشهدوا ماتو بايدكم

دم غالى على ارض بلدنا مفروش

اب وام وابن بيصرخ ..منكم لله

قلوب ادمية والا قلوب وحوش

هانت عليكم مصر وولادها

خافوا ربنا والا كمان مبتخافوش؟؟؟

مصر فوق الجميع

مصر فوق الجميع
*****************
الكل مصرى
لا تقول انا مسيحى ولا مسلم
انت مصرى
شربت من نيل الارض الخضرا
دم شهدائنا روى زهر بلدنا
عايشين اخوة فى مصر الحرة
خد بالك ياابنى انت وهو
ايادى خفية بتفرق بنا
ايادى عايزة مصر تقع فى الخيا
كبر عقلك وحكم فكرك
مين حيفيده هدم الثورة؟؟؟
مين عايزنا نموت حلم بكرة؟؟؟
كتير كتير من برة وجوة
مصلحتهم يشيعوا بينا الفوضى
ايادى بتعزل عنا الجيش والشرطة
ايادى بتهدم وحدة امة
ايادى عايزة تشعل فتنة
خد بالك ياابنى انت وهو
ظهرت ايادى كتير من الخونة
وظيفتهم اصلا مرتزقة
نفوس ضعيفة عملاء وخونة
حالفة لتهدم حلم الامة
خد بالك ياابنى انت وهو

الا الشهادة الزور

الا الشهادة الزور
**************
يادمعة حايرة بين الجفون
والقلب جواه مختنق
باكى الم ونازف دموع
على ارض غالية بتتظلم
ظهر الولد قالت سند
لكن ياخسارة
طلع ضميره بيحتضر
مات الامل
ومات معاه ضحايا ثاروا للبلد
هان دمهم..راح حقهم
بشهادة زور قالها الولد
عينى عليكٍ يادى البلد
دمعتك حارقة الجبين
نازلة نار تكوى العين
والولد هانت عليه
دمعة ام منكوبة فى ضناها
ملهاش سند
صرخة طفل مات ابوه
وتيتم قبل المشد
عروسة حلوة ماتت شهيدة
نزلت تنادى فين حق البلد
منك لله يادى الولد
كسرت بخاطر اهلك وناسك
وخيبت امال كتير كانوا حراسك
قالوا فيك بطولات رفعت راسك
كانوا فاكرينك فوق الشبهات
ولك ضمير صاحى مايخاف
سقط القناع ..طلعت خنيس
وكاتم لاسرار الاسياد
وحامى ديارهم
ورافع رايات الاندال
حتروح فين من رب العباد
هو نصير المظلومين
هو ساحق للاوغاد
وحينتقم لدم الولاد
الا الشهادة الزور ياظالم
منك لله يادى الولد

صرخة شعب

صرخة شعب
***************
احكى ياغاليةع ال جواكي

الاه دمعة نازفة بسماكي

عن ناس قادرة ايديهم طايلة

حالفة تموت بسمة ولادى

حالفة يموت حلم بكرة

ويعيشوا عبيد للاعادى

الدنيا قامت وقعدت

علشان سفير صهيونى غادر

نسيوا دم ولادك على الحدود

نسيوا مبيدات مسرطنة وقتل جنود

لكن.. انا دمى حر مايهمنى موت

وصرخة غضبى لها الف صوت

ثورة وقامت لجل ماتعدل المعووج

قلنا حنرتاح من ظلم واستبداد فرعون

لقينا محاكمة مدنية

بتطبطب للفاسد على الخدود

يوم ورا يوم والايام بتدور

ماحنرتاح الا لما نرجع حق كل مقهور

شبابك يابلدى حالف بالرب المعبود

شعب يناير للظلم ابدا مش حيعود

منتظرين القصاص

منتظرين القصاص

************

يارب ياقهار

تعز من تشاء

وتذل من تشاء

دخل القفص منقول على نقالة

لا انا فرحانة فيه

ولا العياذ بالله شمتانة

بس بقول اتعظوا

يا أصحاب المناصب المختالة

شوفوا نهاية فرعون

كان عبرة من بداية لنهاية

دخل القفص مكسوف من نفسه

واولاده علاء وجمال واقفين جانبه

ال اية عاملين ستارة

خافين وراها اذلاله ويأسه

بصيت عليه من بين الحديد

لقيت قناع تعلب لابسه

قال الحاجب محكمة

الكل وقف وقال يارب

يشوف القهر والذل ويحسه

قال القاضى

انت سرقت ونهبت وقتلت

نفى التهم عن نفسه

اتأجلت القضية ليوم 15 منه

والشعب منتظر القصاص

لجل مانفرح بالقرار العادل ونضمه

منتظرين القرار

فى يوم 15 منه

امسحى دموعك يابلدى

امسحى دموعك يابلدى

*******************

دموعك يابلدى لية لسة نازلة

ليــــــــــــه..؟؟؟؟؟

بعد ماقلنا انتصرنا على شلة فاسدة

ليـــــــــــــة..؟؟؟؟؟

ياغالية نار دموعك نازلة كاوية

كاوية قلبى وانا لقياكى لسة باكية

ووجعك بال آآآآآآآآآآه على ولادك

صرخة لسة جواكى صاحية

اه يابلدى على شبابك كان وردة نادية

احمد وجرجس وابراهيم واخته فادية

وغيرهم وغيرهم كتير الاف هانوا

على ناس بيتعاملوا فى احكامهم

باعصـــــاب هاديـــــة

مش حاسين بنار امهات

اولادهم ماتوا بايادى جاحدة

قلوبهـــم عاميـــة

لك حق يابلدى تبكى وتصرخى

وتقولى فين حق ولادى

اللى ضحوا علشانى بأرواح فادية

قومى يابلدى واحنا معاكى

وعيدى ثورة تانية وتالته معادية

كلنا بنصرخ معاكى هاتى حق ولادى

وقفى الدمعة فى قلوب امهات باكية

ثورى من تانى على افاقين

قالوا حناخد بحقك يابلدى

لقيناهم بيتعملوا معاكى بقلوب جافية

متبكيش ياغالية لسة ولادك واقفين

حالفين ليرجعوا حقك وحق الشهيد

ويضحوا لجلك بقلوب وافية

امسحى دمعك كلنا فداكى

دة انت ارض الكنانة مصرنا الغالية

ثورة حق

ثورة حق
***********
يوم خرج ابنى
قالى ادعيلى ياامى
نازل اواجة الظلم
والحاكم اللى قهرنى
ادعى قولى يارب
ياخد لى حقى بايدى
صليت ركعتين لله
ودينى توحيدى
نازل وكلى ايمان
جندى فى ميادينى
بلدى ياامى بتصرخ
وقالت ياابنى نجينى
امحى الظلام بالنور
بدل لى انينى
صابرة وساكتة عــ الظالم
وبقول يارب قوينى
ناديتنى ياامى ودموعها
غطت البساط الاخضر
تفتكرى ياامى
اعيش ازاى وانا قلبى متحسر
انا مصرى حر اصيل
والعزة اصلى وذاتى
لا ارضى يوم انحنى
الا فى صلاتى
رافع راسى والحق
تاجى وسماتى
وشعارى دايما الله اكبر
ينور لى حياتى
بعشق ترابك يابلدى
من مولدى لمماتى
وبايدى ححفر قبر
لكل غازى وطاغى
وزع فساده ونهب
خير ارضى وبلادى
شاب انا تائه فى كل خطواتى
مش حرجع ياامى
الا مااخد حقى
واكسر قيدى بايدى
ادعيلى ياامى
محتاج لدعواتك...!!!!

أفيقوا ايها الجهلاء

أفيقوا أيها الجهلاء
**************
الى من يتشدقون بانهم

راعيين للاديان

ويحملون بين ايديهم

التوراة والانجيل والقرأن

الدين ليس مظاهر وكلمات

ولابتطويل الذقون ولبس الجلباب

الدين هو مكارم الاخلاق

هو حب الانسان للانسان

الدين هو الصدق هو الاخاء

هو ان اعيش فى امان

الدين هو حب لكل الاديان

ليس ان اقتل اخى الانسان

ولا ان اخرب وادمر

واشعل النيران

ليس ان احرق قلب ام او اب

واتفوه بكلمات تنم عن

الجهل والهزيان

الدين ليس شعار ارفع رايته

والقلب مملؤ بالكره

والحقد والنكران

الدين لله وحده

وما انت الا طائع لامر الرحمن

حكاية شعب

حكاية شعب
************
مرت عليه ازمان من الظلم وازمان
اتحملت وصبرت وتركت امرى لرب العباد
قالو لى لف الحزام على وسطك
وعيش نهارك وليلك من غير مية ولا زاد
سمعت الكلام وقلت اتحمل لجل مااوفر للبلاد
واجى على نفسى واكل لقمة واحدة
واتحمل انا وعيالى الجوع ومر العذاب
كنت فاكر انى بساعد لجل مااعمر البلاد
وتعدى محنتها وابقى ساهمت فى بنى الامجاد
مكنش فاكر ان الحكومة عصابة حرامية وشوية اوغاد
نهبين خير ارضى وخدوا حق عيالى
ونشروا فى بلادى الفساد والطغيان
كنزوا فى البنوك وهربوا اموالى وفاتونى جلد على عظام
المرض خد منى ياما واولادى ضاعت احلامهم
وياحسرة على مستقبل الشباب
دعيت قولت ياربى انت ال عالم وانت المنتقم الجبار
خد بحقى واحفظ ارضى..ارض الكنانة المذكورة بالقرأن
تانى يوم خرجت شرارة ثورة شبابنا بركان قايد من نار
صرخوا بأعلى صوتهم..يسقط كل الفساد يسقط النظام
شهداء كتير دفعوا الثمن ماتوا بايد خاين غدار
وارتفعت راية الحق وسقط الظالم وانداس بالاقدام
قلت سبحانك ياربى انك لمنتقم جبار
ماهى مصر ارض الكنانة المذكورة بالقرأن
قامت الدنيا وانحنت لشباب بلدى المغوار
الله عليكم ياولادى..رفعتم اسم مصرمن تانى
وان شاء الله اللى جاى احسن من ال راح

دموع ام الشهيد

دموع ام الشهيد

**********

ابكى ياقلبى على شباب

مات برصاص غدر جبان

ابكى ياعين على ام

ابنها مات فى الميدان

ابكوا معايا على صبية حلوة

اتقطف عمرها قبل الاوان

آآآآآآآآآآه يابنتى

كنت وردة جميلة طالة

تفرحى بحلم بكرة

وكنت بحلم معاكى

اشوفك عروسة هالة

نزلتى تنادى بأعلى صوتك

عايزة اعيش انسانة حرة

عايزة افرح بشبابى

واضحك من قلبى مرة

عايزة انسى هم امبارح

واعتبره ذكرى

عايزة انسى العيشة المرة

اه يابنتى ياضنايا

ال آآآآآآآآه بتصرخ جوايا

قلبى محروق مـ الشظايا

والعين تعبت من بكايا

حسبنا الله فيك ياظالم

ازاى حتهرب من رب قادر

راح ينتقم لدم الضحايا

آه ياورد الجناين

دمكم مش حيروح هدر

كل نقطة دم منكم

حيدفع لها الغادر التمن

ضحيتوا بحياتكم

لجل ماتحرروا الوطن

لجل مستقبل ولادكم

ترسموا خطوطه بالامل

صرختم باعلى صوتكم

قلتم انا المصرى

شامخ من قديم الازل

نازل اعيد امجادى

نازل احرر بلادى

آه والف آآآآه عليكم يااولادى

اليك ياعار الامة العربية

اليك ياعار الامة العربية

************

الى اسوء زعيم

عرفته الانسانية

الى من ينتمى الى حثالة

لا ادميـــــــــة

اليك ياديكتاتورى فى حكمك

يامن تعانى من امراض

نفسيــــــة

يامن اوقدت النار فى شعبك

وسحقتهم كالاغنام فى البرية

اليك يامستبد

يامن تختفى خلف ستائر

لدروع من اطفال بشرية

وصمة عار انت بالتاريخ

تستهزء بك

كل المحافل الدولية

تحكم شعبك بطريقة هزلية

تقاتلهم من اجل كرسى

اعتليتــــــه

وكأنك ملكته لمدى

عالم الازلية

ايها المتغطرس

ما انت الا سفيه

تغوص فى جهل

من بحور الامية

بريئة من افعالك

كل الشعوب العربية

وتدينك كل الشعوب الغربية

اتقى الله ايها الظالم

واترك الشعب البائس

يتنسم نسائم الحرية

قومى ياغالية

قومى ياغالية

**********

ماتزعليش يام القلوب الطيبة

قومى ياغالية امسحى دمعك

افرحى وهللى انتهى ظلمك

والليل الدامس نوره قمرك

وبعت للشمس تيجى تضمك

قومى ياغالية

ياما شفتى كتير وقليل

فى كل مرة بتكونى صامدة

ورافعة راسك لرب كبير

حاميك وصاينك

وقال فى كتابه العزيز

ادخلوها بسلام امنين

قومى ياغالية

ابنى مستنى تمدى له ايدك

ينحنى يبوسها هى وجبينك

ويبوس ترابك ويغنى مواويلك

ويقول انا مصرى

ساكن على نيلك

قومى ياغالية

ياام الحضارة والتاريخ والهرم

علمتى العالم دروس

فى الزراعة والطب

والعلوم والفلك

تفخر بك الشعوب والامم

قومى ياغالية

وارفعى راسك

حنرسم حلم بكرة

على ارضك وسماكى

ونقول للعالم هى دى مصر

شموخ وعزة وكرامة

على ابد الدهر تاريخها باقى

اليك ياشهيد

اليك ياشهيد

***********

اليك اكتب ياشهيد

يافخر مصر

وفخر كل نفس أبية

خرجت عن صمتك

وصرخت يااهلى وناسى

اين روح الوطنية

اريد امحو قيداً

أغلق فاهى وأفسد حياتى

بطريقة غير مرضية

اريد ان احل قيدى

وانعم انا وابنى

بعيشة رغدة هنية

تكابلت ايدى الغدر عليك

وكانت دمائك

أسمى معنى للحرية

ياشهيد محوت بيدك يد الظلام

واشرق على ارضى

عهد جديد

كان ثمنه دمائك الذكية

يامن تطايرت اشلائه

على اركان الدروب

يامن رفعت رؤسنا

واطلقت تاج الحرية

ياذات النفس الابية

رفعت روحك لعنان السماء

ودمك روى ارضى

بزرع نماء

لتصير رسالة للخلود

تفخر بها البشرية

ياشهيد كوتنا الجروح

وصرخ الانين داخلنا

يشعل الشجون

ياشهيدنا نذرفك بالدموع

وقد اشعلنا من رفاتك الشموع

فهنيئا لك بفرح السماء

اختارك ربك صديق للأولياء

فطوبا لمن اضأ الظلام

وبدد الاشراق من بعد الغيوم

عودوا ياأبناء مصر

عودوا ياابناء مصر

امطرونا برداً وسلامآ

حققتم حلم شعب

قهره خنق الحنايآ

بدلتم ظلام دامس

بسماء تشرق فى المَرايآ

عودوا مصر تحتاج لكم

ابعدوا عن

مترصبى سيئي النوايآ

اسعدوا بنصر حققتموه

كان بمثابة فخرٍ

بعثتم فيه كل المنايآ

رسالة للعالم ان

صوتنا المخنوق يخرج

بركان متفجر الشظايا

وقت الحروب نثور

وليشهد العالم اننا شعباً

نحمى الديار كدروع خفايآ

عودوا ياابناء مصر

انعموا بعهد جديد

محيتم فيه كل الخطايآ

أرحـــــــــل

أرحــــــــــــل

**************

صرخات تأتى

من اقصى اليمين الى اقصى اليسار

تعلو بأنينها السماء

تتفجر من تحت الثرى ببركان نار

تصــــــرخ ....!!!

ارحل يامن لعبت بشعاراتك

على الطبلة والمزمار

ارحل يامن اسقيتنا

المر اطنان .. اطنان

ارحل يامن كنت رمز

لبلد واصبحت لها وصمة عار

يامن كنا نتغنى باسمه الاشعار

ارحل يامن رسمت لنا

خريطة الاحلام على سفح الاوهام

ارحــــل سيــــدى

واتركنا نعيش فى سلام

ارحل كى نبنى جدارالعزة والكرامة

شوهت بيدك صورتها مع الايام

وتركتنا العوبة تلهو بنا

من قلت انهم راعيين للاوطان

ارحــــل سيــــدى

لنعيد بناء انفسنا ونسترد

اسم مصرنا بين البلدان

ارحــــــــــــــــــــــــــل

دم ابنائنا يسيل من بين يديك

ودموع ابائهم تدعى عليك ليل نهار

لكن الله ربى هو لمنتقم جبار

بكيت بقلبى

بكيت بقلبى

***********

بكيت بقلبى قبل عينى

وانا ارى

اجساد اهل وطنى

متناثرة فى الدروب

بكيت بقلبى قبل عينى

وانا ارى

الكنيسة والجامع

تصرخ فى الغروب

بكيت بقلبى قبل عينى

وانا ارى

الهلال يبكى

بحرقة على الصليب

يااهلى وناسى كلنا مستهدفون

مخطط صهيونى لتفتيت روابطنا

ونظل به مستضعفون

نحن جميعا اقباط

نحن جميعا مصريون

مسلمون كنا او مسيحيون

قفوا يد واحدة ..

قفوا امامهم كالاسود

قوم يامصرى

قوم يامصرى..(بالعامية)

*********

صرخة قلم اهتزت لها ايدى

محتار معايا القلم

قالى كفاية الم وجعتينـــــى

باكى على بلادى

وحاسس بتنهيدى

صرخ القلم وقال ...

اتركوا ارض الكنانة

اخرجوا منها بسلامة

قبل ماايدينا تطولكم

وبعدها تلقوا الندامة

اتركوها بالكرامة

قبل ماتقوم القيامة

لا الكراسى دايمة لكم

ولا مالكم يمحي الاهانة

ياما ضحكتوا علينا كتير

قلتوا بنبنى للتعمير

وانتم سارقين خيرى وارضى

زى المناشير طالعين نازليين

فى البنوك ومكنزيين

اخدتم منا كتير وقليل

خلاص زهقنا وطفح الكيل

آآه ياعصابة استحلوا الزاد

سرقة ونهب..رشاوى..عذاب

وارض بتتباع بلا مزاد

لامتى حنعيش فى استعباد

لامتى حنبقى عبيد واسياد

لامتى تتهان الكرامة

فى الاقسام

ابنى يموت بايديكم

وتنداس كرامته بالاقدام

سكتنا وصبرنا لكن لنا ميعاد

الكل حيصرخ عل الاعتاب

طفل وكهل وبنت وشاب

حلفنا لنطرد كل فساد

حلفنا نرفض الاستعباد

حلفنا نطرد الاوغاد

قوم يامصرى

اظهر شجاعتك للبلاد

دافع عن رزقك وارضك

ومعاك دايما رب العباد

دافع عن حقك وحق ولادك

والاحفـــــــــــــاد

حول سراب الموت

للحظة ميلاد

دة انت المصرى

اسمك على كل لسان

بلدك منتظرة

تلبسها توبها الابيض

وعنها تخلع توب السواد

قوم يامصرى

عيد من تانى فرحة الاعياد

رجع لبلدك حقها

اطرد الظلم

وعيد لمصرنا الامجــــــــاد