أبكيك ياخالد *************
آآآآه ياابنى جوة منى
صرخة بالاآآآآهات بتدوى
أيه يابلدى أيه جرى لك
ابنى مات ادام عينيكى
من اوباش وهان عليكى
آه ياخالد ياحبيبى
قلبى يبكيك قبل عينى
آه ياابنى ياضنايا
لفقوا لك القضايا
والرب عالم بالنوايا
قالوا عنك وأنت البرئ
فاكرين عقولنا ممسوحة
ومطحونة برحايا
أيه يابلدى أية جرى لك
الشعب بيقاسى الهوان
وكترت فيكى الضحايا
***
فين العدل ياعادلى
ورجالك فينا بتعادى
ولو اتكلمنا ننضرب
بالكرباج والعصايا
اهانة وذل ومأسى
وتلفيق تهم على الماشى
ساكت ليه...!!!
مش انت بردوا وزير عدلنا
والا دة منصب مقدر لنا
لكن حنقول اية...لينا ربنا
فينك ياريس.....؟؟؟
قوم شوف ولادك
بيموتوا ادام عينيك
والشعب مل من سكاتك
آه احنا شعب طيب
آه احنا شعب صابر
بس الصبر صرخ وقال
الظلم فاق الاحتمال
والشعب عمره ماكان جبان
بكرة حيفك اللجام
فينك ياريس...؟؟؟؟؟؟؟؟؟؟
ليست هناك تعليقات:
إرسال تعليق